SCF တွင် ကျွန်ုပ်တို့၏ ရည်ရွယ်ချက်မှာ တဦးချင်းဖြစ်စေ၊ အဖွဲ့အစည်းနှင့်ဖြစ်စေ လူတိုင်းအတွက် စုပေါင်းရန်ပုံငွေရှာဖွေစုဆောင်းရာတွင် လွယ်ကူစေသော၊ ထိထိရောက်ရောက် ပါဝင်နိုင်သော ပလက်ဖောင်းလမ်းကြောင်းတစ်ခုကို ပြုလုပ်ပေးခြင်းဖြင့် ပိုမိုအားကောင်းစေလိုခြင်းဖြစ်သည်။ တစ်ဦးတည်းဖြင့် ကြီးကြီးမားမားထောက်ပံ့ပေးနိုင်သော ရင်းနှီးမြှပ်နှံသူများမရှိခဲ့ပါလျှင်လည်း လူတိုင်းအနေဖြင့် ၎င်းတို့၏ စိတ်ကူးများ၊ စီမံကိန်းများနှင့် ရည်မှန်းချက်များကို ဖန်တီးနိုင်စေရန်အခွင့်အလမ်းကို ရရှိသင့်ကြောင်း ကျွန်ုပ်တို့ ယုံကြည်ပါသည်။ စုပေါင်းရန်ပုံငွေရှာဖွေစုစည်းမှု၏ အင်အားကို အသုံးချခြင်းဖြင့် ပိုမိုကျယ်ပြန့်များပြားသော ပံ့ပိုးကူညီလိုသူများ၏ ကွန်ရက်တခုဖြစ်လာစေပြီး လူတိုင်းအတွက် နောက်ခံအသိုင်းအဝိုင်းနှင့် အရင်းအမြစ်ရှိခြင်းမရှိခြင်းတို့အပေါ်တွင် မူတည်မနေတော့သည့် ကောင်းမွန်သောအပြောင်းအလဲကို ဖြစ်ပေါ်စေမည်ဖြစ်ပါသည်။

SCF သည် မြန်မာနိုင်ငံရှိ နိုင်ငံရေး မတည်ငြိမ်မှုကြောင့် ထိခိုက်ထားရသည့်သူများအတွက် အခက်အခဲကြုံတွေ့နေရသည့် အချိန်ကာလများကို ကျော်ဖြတ်နိုင်ရန် ပံ့ပိုးကူညီပေးနိုင်ရေးကို အဓိကရည်ရွယ်ထားပါသည်။ ကျွန်ုပ်တို့၏ ပလက်ဖောင်းကို အသုံးပြုရလွယ်ကူစေရန်၊ ရန်ပုံငွေရှာဖွေပေးနေသူများနှင့် ကူညီထောက်ပံ့လိုသူများအတွက် အခမဲ့အသုံးပြုနိုင်ရန်နှင့် ကျယ်ကျယ်ပြန့်ပြန့်အသုံးပြုနိုင်စေရန်တို့အတွက် ရည်ရွယ်၍ ဒီဇိုင်းဆွဲထားပါသည်။ ကျွန်ုပ်တို့၏ပလက်ဖောင်းကြောင့် ရရှိနိုင်သော နည်းပညာများနှင့် ရန်ပုံငွေများကို ယခုပင်အသုံးပြုကာ ကမ်ပိန်းများကို ပိုမိုကျယ်ပြန့်စွာမျှဝေပေးနိုင်မည်ဖြစ်သလို နှလုံးသားထဲမှအသံများနှင့် ရည်မှန်းချက်များကိုလည်း ပိုမိုအားကောင်းလာနိုင်စေရန် ကူညီပေးချင်ပါသည်။

SCF တွင် ကျွန်ုပ်တို့သည် လူထု၏ပေးကမ်းမျှဝေမှုနည်းလမ်းကို ကူးပြောင်းကာ ရက်ရက်ရောရောပါဝင်ကူညီပေးလိုကြသည့် နေရာတခုဖြစ်လာစေပြီး အားလုံးအတွက် ကောင်းမွန်သောအပြောင်းအလဲကို အမှန်တကယ်ပြုလုပ်ပေးနိုင်စေရန် ရည်ရွယ်ထားပါသည်။